پویترا پورٹل پر اردو میڈیم کیلئے Tab دستیاب کرانےاور خالی اساتذہ کی اسامیاں فوری طور پر پُر کرنے کامطالبہ
ممبئی:13؍اگست:ریاست کے ضلع پریشد اور مقامی خود اختیاری اداروں کے اردو میڈیم اسکولوں میں بڑی تعداد میں اساتذہ کی اسامیاں خالی ہیں۔ اس کا براہِ راست اثر اردو میڈیم سے تعلیم حاصل کرنے والے ہزاروں طلبہ کی تعلیمی کارکردگی پر پڑ رہا ہے۔
حال ہی میں ہنگولی ضلع کے ضلع پریشد اسکولوں میں اردو میڈیم کی 31 اساتذہ کی اسامیاں خالی ہونے کا انکشاف ہوا ہے۔ تاہم، پاویتر پورٹل پر جاری اساتذہ کی بھرتی کے عمل میں ان خالی اسامیوں کو متوقع تعداد میں شامل نہیں کیا گیا ہے۔ اس کی وجہ سے اہل امیدواروں کو درخواست دینے کا موقع نہیں مل رہا اور طلبہ کا تعلیمی نقصان ہو رہا ہے۔
یہ صورتحال صرف ہنگولی تک محدود نہیں ہے بلکہ مہاراشٹر کے کئی اضلاع میں اردو میڈیم اسکولوں میں اساتذہ کی کمی کا سامنا ہے۔ دستیاب اساتذہ پر اضافی تدریسی بوجھ پڑ رہا ہے، جس کا اثر طلبہ کو فراہم کیے جانے والے معیاری تعلیم پر پڑ رہا ہے۔
لہٰذا، مسلم حقوق پریشد کے صدر جناب وحید پٹیل (Wahid Patel) نے آج (جمعرات) ممبئی میں محترمہ سنیتراتائی اجیت پوار (Sunetra Ajit Pawar)، معزز نائب وزیر اعلیٰ و وزیر برائے اقلیتی ترقی، مہاراشٹر ریاست سے ’دیوگیری‘ میں ملاقات کرکے مطالبہ کیا کہ
ریاست کے تمام مقامی خود اختیاری اداروں کے اردو میڈیم اسکولوں میں منظور شدہ اور خالی اساتذہ کی اسامیوں کی ضلع وار معلومات فوری طور پر جمع کی جائے۔
اردو میڈیم کی تمام خالی اساتذہ کی اسامیوں کو پاویتر پورٹل پر ہونے والی اساتذہ کی بھرتی میں شامل کیا جائے۔
پاویتر پورٹل پر اردو میڈیم کی خالی اسامیوں کو الگ سے واضح طور پر ظاہر کیا جائے۔
اہل اور محروم امیدواروں کو موقع فراہم کرنے کے لیے درخواست دینے کی مدت میں توسیع کی جائے۔
اردو میڈیم کے طلبہ کو اپنی مادری زبان میں معیاری تعلیم حاصل کرنا ان کی تعلیمی ترقی کا ایک اہم حصہ ہے۔ اساتذہ کی خالی اسامیوں کو فوری طور پر پُر کرکے طلبہ کے تعلیمی نقصان کو روکا جائے۔
اردو میڈیم کے طلبہ کے مستقبل کے لیے یہ بھرتی فوری طور پر کی جائے!
اس معاملے پر محترمہ سنیتراتائی نے فوری طور پر نوٹس لیتے ہوئے اسکولی تعلیم کے وزیر محترم داجی بھوسے (Dadaji Bhuse) صاحب کو خط بھیجنے کے احکامات اپنے معاون افسران کو دیے ہیں.
