ناندیڑ:اردھاپور پولیس کی گائے کی اسمگلنگ کے خلاف بڑی کارروائی 10 جانوروں کو پکڑا
ناندیڑ:4؍اگست:ناندیڑ ضلع کے اردھاپور میں پولیس نے غیر قانونی طور پر گاؤونش (مویشی) کی نقل و حمل کے خلاف کارروائی کرتے ہوئے دو بولیرو پک اَپ گاڑیوں سے 10 مویشی بازیاب کر لیے۔ کارروائی کے دوران پولیس نے مجموعی طور پر 31 لاکھ 51 ہزار 500 روپے مالیت کا مواد ضبط کیا جبکہ 8 ملزمان کے خلاف مقدمہ درج کر کے مزید تفتیش شروع کر دی گئی ہے۔پولیس کے مطابق یہ کارروائی ضلع پولیس سپرنٹنڈنٹ ڈاکٹر نیلام روہن کی ہدایات پر جاری خصوصی مہم کے تحت عمل میں آئی۔ 03 اگست 2026 کو اردھاپور تھانے کے انچارج کو قابلِ اعتماد اطلاع ملی تھی کہ وسمت سے اردھاپور کی جانب دو بولیرو پک اَپ گاڑیوں میں مویشی غیر قانونی طور پر لے جائے جا رہے ہیں۔ اطلاع پر پولیس ٹیموں نے شیواجی چوک، مالیگاؤں کے علاقے میں ناکہ بندی کر کے مشتبہ گاڑیوں کو روکا۔تلاشی کے دوران ایک بولیرو پک اَپ نمبر MH-26-BE-7657 میں 5 اور دوسری بولیرو پک اَپ نمبر MH-26CH-2628 میں بھی 5 مویشی پائے گئے۔ پولیس کے مطابق مویشیوں کو نہایت بے رحمی سے باندھ کر رکھا گیا تھا اور نقل و حمل کے لیے کوئی قانونی/ویٹرنری اجازت نامہ موجود نہیں تھا۔ اس کے علاوہ مدد کے لیے ساتھ چلنے والی دو کاریں MH-02-EU-7086 اور MH-38-V-4666 بھی تحویل میں لے لی گئیں۔پولیس نے بتایا کہ ضبط کیے گئے سامان میں دو بولیرو پک اَپ، دو کاریں، 10 مویشی، مختلف کمپنیوں کے 8 موبائل فون اور دیگر مواد شامل ہے، جس کی مجموعی مالیت ₹31,51,500 بتائی گئی۔ بازیاب مویشیوں کو محفوظ جگہ منتقل کر دیا گیا ہے۔اس معاملے میں اردھاپور پولیس نے 8 افرادشیخ ماجد شیخ عارف (عمر 39 سال، ساکن اردھاپور)،میرا صاحب عبدالشیخ (عمر 31 سال، ساکن ناندیڑ)،شیخ سہیل شیخ نصیر (عمر 25 سال، ساکن اردھاپور)،عمر سلیم قریشی (عمر 27 سال، ساکن پربھنی)،سید شاہ رخ سید رہبر (عمر 24 سال، ساکن پربھنی) ،محمد رضوان عبدالرحمان (عمر 29 سال، ساکن ناندیڑ)،محمد شہباز محمد جعفر قریشی (عمر 19 سال، ساکن ناندیڑ)،عبدالفوزان عبدالقیوم قریشی (عمر 20 سال، ساکن ناندیڑ) کے خلاف اردھاپور پولیس اسٹیشن میں کرائم رجسٹر نمبر 420/2026 کے تحت مقدمہ درج کیاہے۔پولیس نے شہریوں سے اپیل کی ہے کہ اگر کہیں غیر قانونی مویشی نقل و حمل یا ظلم سے متعلق معلومات ملیں تو فوری طور پر قریبی پولیس اسٹیشن یا ڈائل 112 پر اطلاع دیں۔
