صدقۂ فطر ہر اس شخص پر واجب ہے جس کے پاس ضروریاتِ زندگی کے علاوہ ۶۱۲ گرام ۳۶۰ ملی گرام چاندی یا ۸۷ گرام ۴۸۰ ملی گرام سونا یا اس کی قیمت کے بقدر رقم ہو یا حوائج اصلیہ سے زائد ایسی چیزیں موجود ہوں جن کی قیمت بقدر نصاب ہو خواہ وہ چیزیں تجارت کیلئے نہ ہوں جیسے رہائش کے کان سے زائد مکان، گھر کے مصارف کے بقدر کاشت کاری کی زمین سے زائد زمین، ضرورت کے کپڑوں اوربرتنوں سے زائد کپڑے اور برتن وغیرہ (۲) صدقہ فطر کے نصاب پر سال کاگذرنا شرط نہیں ہے بلکہ عیدالفطر کے روز صبح صادق کے وقت بقدر نصاب مالیت کا ہونا صدقۂ فطر کے وجوب کے لیے کافی ہے (۳) جس کے پاس نصاب مذکور کے بقدر مال ہو وہ اپنی طرف سے اور اپنی نابالغ اولاد کی طرف سے صدقہ فطر ادا کرے(۴) ایک آدمی کا صدقہ فطر ایک کلو ۶۳۳ گرام گندم یا تین کلو ۲۶۶ گرام جو یا ان کی قیمت ہے (۵) رمضان کی آخری تاریخ میں یا یکم شوال کی صبح صادق سے قبل پیدا ہونے والے بچہ کاصدقہ فطر دینابھی لازم ہے (۶) صدقہ فطر انہیں لوگوں کو دیا جاسکتا ہے جن کو زکوٰۃ دینا جائز ہے۔(۷) صدقۂ فطر صبح سویرے نماز عید کے لیے جانے سے پہلے دیدے اگر پہلے نہیں دیا تاخیر کردی تب بھی یہ ساقط نہیں ہوگا، بعد میں ادا کرنا ضروری ہے۔
